SUNOG SA ADLAW SA PASKO DUHA KA BATA PATAY SA TUBOD LANAO DEL NORTE

Patay na sa dihang naabtan sa amahan sa duha ka mga bata human nga nasunog ang ilang panimalay sa may Purok 1 Barangay Tangueguiron Tubod, Lanao del Norte pasado alas 12 sa udto December 25 2020.

Gibyaan matud pa sa ilang amahan og inahan ang mga bata nga sila Junifer Gargoles 4 anyos og iyang manghod nga si John Michael Gargoles 3 anyos og gi padlakan ang portahan sa ilang panimalay gamit ang kadena sa iro para mo trabaho kini pasado alas 8 sa buntag December 25 2020.

Subay pa sa police report, nabantayan matud pa sa amahan nga si Junie Palongpalong y Vicoy,25 anyos og iyang live-in partner nga si Judelyn Gargoles nga nagdilaab na ang ilang panimalay pasado alas 11:30 sa buntag hinungdan nga dali kining me uli og ulahi na ang tanan dihang na ugdaw na ang ilang balay apil ang duha ka bata.Gama sa mga light combustible materials ang nasangpit nga panimalay nga maoy hinungdan nga dali kining nasunog.

Mukabat matud pa sa 20,000 ang kantidad nga na damyos sa maong sunog.Samtang anaa na sa usa ka punirarya ang duha ka patayng lawas sa mga bata.Kamulo pa usab og imbistigar ang taga BFP kung unsay hinungdan sa maong sunog.

(PS ang camera sa CP nga gigamit wala ma set ang date og year )