OFFICIAL RECEIPT NGA GIGAMIT SA LTO OZAMIZ BAG-O NA, UG DILI PEKE.

OFFICIAL RECEIPT NGA GIGAMIT SA LTO OZAMIZ  BAG-O NA, UG DILI PEKE.

Bag-o na nga sistema nga gigamit sa pag issue sa OFFICIAL RECEIPT (OR) sa LAND TRANSPORTATION OFFICE (LTO) Ozamiz ug nasayaran nga kini nga implementasyun sa bag o nga Sistema gi implementar Nationwide kon tibook nasud. Kini ang gipatin aw sa Hepe sa LTO OZAMIZ nga si Ms. Salome Navarro gumikan sa pipila ka mga reklamo nga nadawat niini nga mga peke ang gi issue nga OR sa ilahang buhatan.

Ang kalainan sa bag-ong OR nga gi issue sa LTO adunay kini barcode nga wala sa daan nga OR. ug nasayaran nga mas dali pag suta kung ang gi issue nga OR peke ba or dili tungod Kay mas dali na kini makita sa system nga gigamit karun pinaagi sa new feature niini mga barcode. 

Sa pribadong pakighinabi sa Ozamiz City Social Media - News Team kang Ms. Navarro iyang gidugang nga dili usab angay nga mabalaka ang katawhan nga adunay transaction kanila gumikan kay ang tanan nga mga documento lakip na ang OR nga ilang gipanghatag sa ilang clients dili kini peke bisan ug Black and White lang kini gumikan kay nag sunod lamang sila sa mandato gikan sa Central Office.

Ang bag-o nga system ang gigamit nila sa LTO nga gipatuman gikan sa Central Office nga mao ang LTMS kun LAND TRANSPORTATION MANAGEMENT SYSTEM.

Sa pagkakaron padayon ang panawagan sa Hepe sa LTO OZAMIZ nga dili basta-basta motuo sa mga Fixer nga nanggawas karon hilabina sa Social Media aron dili mailad. Ug masmaayo kamo mismo personal ang mo adto sa opisina sa LTO OZAMIZ aron ma assist kamo ug sakto hilabina kun kamo adunay mga reklamo.