SITWASYON SA DAKBAYAN SA OZAMIZ, WALAY ANGAY NGA KABALAK-AN, MATUD PA NI MAYOR ANDO OAMINAL."

Kini ang usa sa mga unod sa  mensahe ni Mayor Ando Oamina ngadto sa tanang Ozamiznon sa dihang gipahigayun ng usa ka press conference kalabot sa Covid19 update sa Dakbayan, kagahapong adlawa Agosto 4, 2021 diin maykalabotan sa pag-lockdown sa Purok 6, Brgy. Bongbong tungod  kay adunay 42 ka mga indibiduals kon residente sa nasangpit nga purok ang nagpositibo sa gipahigayon nga antigen mass testing, nasayran ang maong pagpailalom sa mass antigen testing sa mga residente sa maong purok human nga nasuta  ang usa ka pamilya ang na-test  positive COVID19.

Sa 653 ka mga indibidwal ang gipa ilalom sa mass antigen testing, 42 ang nag-positive niini ug lakip na ang usa (1) ka senior citizen nga nakabsan sa iyang kinabuhi.

Mao kini ang hinungdam nga gapa ilalom sa lockdown ang nahisgutang  purok ug hugtanong gibantayan sa mga awtoridad ug gi bawalan sa pagawas ang mga residente sa ilang mga tagsa tagsa ka panimalay aron dili na mokaylap pa ang makamatay nga Covid-19 virus.

Adunay ayuda nga gi apud apud sa Asenso Ozamiz Administration sa pagpanguna ni Mayor Ando Oaminal ug LGU Officials, tagsa ka sakong bugas humay ug mga delata sa matag pamilyang apektado sa lockdown. gipaklaro usab nga pasiuna pa lamang ang maong mga ayuda sa dakabayan.

Gisaysay ni Mayor Ando nga dili angay mataranta kon magpanic ang mga Katawhan hilabina ang mga  Ozamiznons sa nasinati nga health crisis kay kontrolado pa gihapon sa gobyerno ang kasamtangang sitwasyon.

Gidasig usab niya ang matag usa nga mo report dayon sa ilang mga BHERTs kon ugaling  adunay gibating sintomas sa Covid-19 sama sa hilanat, ubo, sipon, ug sore throat para dali nga masulbad ang problema ug mahatagan sa action.

Bisan pa man sa paspas nga pagtaas sa mga kaso sa Covid19  sa ubang mga lugar sa rehiyon 10 , gipahinumdoman ni Mayor Ando ang mga Ozamiznon nga mag-amping gayod ug hugtanon nga tumanon ang mga lagda sa minimum health protocols. Iyang gipasabot nga ang pagpailalom sa LOCKDOWN nga nahitabo sa Purok 6, Brgy. Bongbong karon, pahinumdom sa tanan nga gisagubang pa gihapon nato ang pandemya ug wala pa kini matapos.

gipaklaro usab ni OCPS Chief of Police LtCol Peter Rhyan B. Revillas nga sugod Agosto 4, 2021, ila gayod hingusgan ug hugtanon nga  pagpatuman sa mga ordinansa sa dakbayan hilabina kalabot sa mga minimum health protocols, ilabina ang pagpatuman sa proper wearing of face mask ug ang katugbang nga multa sa mga makasupak niini. Gipasabot sa hepe nga kini nga mga pahinumdom alang ra usab sa proteksyon sa tanan nga mga Ozamiznon.